Cug do Werku

Wyjechoł na Mostach osobni z tunela wlak

Je w nim piekno pruwodczo, na listkach robi cwak

W tym cugu siedzi ale ludzi wielki daw

Wiezie wszeckich na szichte do werku pantograf

Werkowy cug, werkowy cug

Na ceste kiwie mu tu smrek, tam buk

Werkowy cug, werkowy cug

Na ceste kiwie mu tu smrek, tam buk

Na siyni chłop marske dusi, wedla pijóm piwo

Starka co z Źiliny jedzie ze strachym se dziwo

W jednem cztwórce wszecy spióm, tam grajóm maryjasz

Mało kiery z tych ludzi mo ogolónóm twarz

Cug do Werku, cug do Werku

Włada robi ślosorza, Palo na sztalwerku

Tóm zastawke kaj stojymy Wolato Wiydyń zwióm

Teraz uż tam wole nimo ani stary Zóń

W Gródku a w Bystrzicy przilazuje ludzie moc

Dzisio majóm odpołednia, jutro piyrwszóm noc

Cug do Werku, cug do Werku

Lojza robi na szrotplatzu, Kareł na walcwerku

Eszcze we Wyndryni zasyczoł nad dwiyrzach roz

Na gruszce wesołóm śpiywoł pieśniczke se kos

Bliżimy se uż do Trzyńca, w taszce z wórsztym chleba

Kuminy wysoki widać, puszczajóm dym do nieba

Werkowy wlak, werkowy wlak

Uż aby my jechali kolejóm naopak