Słóneczko

Zachodzi słóneczko poza grónie

Ciynie sie zdłóżajóm po Nowinie

Pujdymy skoro spać, bo trzeba rano wstać

Łowieczki wyganiać ku żłabinie

Pujdymy…

Zachodzi słóneczko nad buczkami

Nie pujdóm łowczorze za dziywkami

Bo trzeba pozór dać, łowieczki wachować

Przed wilkym, niedźwiedziym, zbójniczkami

Bo trzeba…

Zagorzało niebo od słóneczka

Czi to zrumiyniały miłej liczka?

Liczka zrumiyniały, łoczka zapłakały

Że sie nie dostały za Janiczka

Liczka …

Wyjdzie zaś słóneczko spoza Stożka

Łobudzi mej miłej modre łoczka

Wiaterek zawieje, miło sie uśmieje

W stróny Kozubowej na Janiczka

Wiaterek….